har ghaDi barse hai baadal mujh mein

har ghaḌī barse hai bādal mujh meñ

kaun hai pyaas se pāgal mujh meñ

tum ne ro-dho ke tasallī kar lī

phailtā hai abhī kājal mujh meñ

maiñ adhūrā sā huuñ us ke andar

aur vo shaḳhs mukammal mujh meñ

chup kī dīvāroñ se sar phoḌe hai

jo ik āvāz hai pāgal mujh meñ

maiñ tujhe sahl bahut lagtā huuñ

tū kabhī chaar qadam chal mujh meñ

muzhda āñkhoñ ko ki phir se phūTī

ik na.e ḳhvāb kī koñpal mujh meñ

kāTne haiñ ka.ī ban-bās yahīñ

ug rahā hai jo ye jangal mujh meñ

aag meñ jaltā huuñ jab jab 'at.har'

aur aa jaatā hai kuchh bal mujh meñ

har ghaDi barse hai baadal mujh mein

kaun hai pyas se pagal mujh mein

tum ne ro-dho ke tasalli kar li

phailta hai abhi kajal mujh mein

main adhura sa hun us ke andar

aur wo shaKHs mukammal mujh mein

chup ki diwaron se sar phoDe hai

jo ek aawaz hai pagal mujh mein

main tujhe sahl bahut lagta hun

tu kabhi chaar qadam chal mujh mein

muzhda aankhon ko ki phir se phuTi

ek nae KHwab ki konpal mujh mein

kaTne hain kai ban-bas yahin

ug raha hai jo ye jangal mujh mein

aag mein jalta hun jab jab 'athar'

aur aa jata hai kuchh bal mujh mein