har ghaDi chalti hai talwar tere kuche mein

Zain-ul-Abideen Khan Arif

har ghaDi chalti hai talwar tere kuche mein

Zain-ul-Abideen Khan Arif

MORE BYZain-ul-Abideen Khan Arif

    har ghaḌī chaltī hai talvār tire kūche meñ

    roz mar rahte haiñ do chaar tire kūche meñ

    haal sar mire zāhir hai tire kyā kiije

    koī sābit bhī hai dīvār tire kūche meñ

    shakl ko kyūñki na har daf.a badal kar aa.uuñ

    haiñ mirī taak meñ aġhyār tire kūche meñ

    ġham se badlī hai mirī shakl to be-ḳhauf-o-ḳhatar

    din ko bhī aate haiñ sau baar tire kūche meñ

    na kare sū-e-chaman bhuul ke bhī ruḳh hargiz

    aan kar bulbul-e-gulzār tire kūche meñ

    naragistāñ na samajh kholī huī āñkhoñ ko

    haiñ tire tālib-e-dīdār tire kūche meñ

    laa.e jab ghar se to behosh paḌā thā 'ārif'

    ho gayā aan ke hoshiyār tire kūche meñ

    har ghaDi chalti hai talwar tere kuche mein

    roz mar rahte hain do chaar tere kuche mein

    haal sar ka mere zahir hai tere kya kije

    koi sabit bhi hai diwar tere kuche mein

    shakl ko kyunki na har dafa badal kar aaun

    hain meri tak mein aghyar tere kuche mein

    gham se badli hai meri shakl to be-KHauf-o-KHatar

    din ko bhi aate hain sau bar tere kuche mein

    na kare su-e-chaman bhul ke bhi ruKH hargiz

    aan kar bulbul-e-gulzar tere kuche mein

    naragistan na samajh kholi hui aankhon ko

    hain tere talib-e-didar tere kuche mein

    lae jab ghar se to behosh paDa tha 'arif'

    ho gaya aan ke hoshiyar tere kuche mein

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY