har ghaDi ek hi jaisa kabhi socha na karo

har ghaḌī ek hī jaisā kabhī sochā na karo

vaqt harjā.ī hai tum is pe bharosā na karo

vo to bādal hai kahīñ jā ke baras jā.egā

is qadar TuuT ke us shaḳhs ko chāhā na karo

ye bhī mumkin hai ki tum haath jalā lo apnā

merī maazī kī kabhī raakh kuredā na karo

laakh apne hoñ kisī pal bhī badal jā.eñge

ret ke mahal pe itnā bhī bharosā na karo

chand kirneñ hī tire vāste kaafī haiñ 'nasīm'

ḳhaak ho jāoge sūraj kī tamannā na karo

har ghaDi ek hi jaisa kabhi socha na karo

waqt harjai hai tum is pe bharosa na karo

wo to baadal hai kahin ja ke baras jaega

is qadar TuT ke us shaKHs ko chaha na karo

ye bhi mumkin hai ki tum hath jala lo apna

meri mazi ki kabhi rakh kureda na karo

lakh apne hon kisi pal bhi badal jaenge

ret ke mahal pe itna bhi bharosa na karo

chand kirnen hi tere waste kafi hain 'nasim'

KHak ho jaoge suraj ki tamanna na karo