har ghaDi kuchh TuTne ka wahima rah jaega

har ghaḌī kuchh TūTne kā vāhima rah jā.egā

qurbatoñ ke darmiyāñ jab fāsla rah jā.egā

baaġh sahrā meñ badal jā.egā gul kumhlā.eñge

phuul sā khiltā huā chehra tirā rah jā.egā

raunaq-e-getī se ab dil kā lagānā hai abas

ek din sab kuchh yahīñ par hī dharā rah jā.egā

yād-e-qarya meñ kisī shab ḳhud hī aa kar dekh le

ḳhvāb kā āñkhoñ se qaa.em rābta rah jā.egā

shaam se pahle havā-e-zīst barham ho ga.ī

sham-e-jāñ ko ek andesha lagā rah jā.egā

har ghaDi kuchh TuTne ka wahima rah jaega

qurbaton ke darmiyan jab fasla rah jaega

bagh sahra mein badal jaega gul kumhlaenge

phul sa khilta hua chehra tera rah jaega

raunaq-e-geti se ab dil ka lagana hai abas

ek din sab kuchh yahin par hi dhara rah jaega

yaad-e-qarya mein kisi shab KHud hi aa kar dekh le

KHwab ka aankhon se qaem rabta rah jaega

sham se pahle hawa-e-zist barham ho gai

sham-e-jaan ko ek andesha laga rah jaega