har hasin KHwab dam-e-subh bikharte dekha

har hasīñ ḳhvāb dam-e-sub.h bikharte dekhā

gesū-e-ranj-o-alam ko bhī sañvarte dekhā

husn-e-maġhrūr ko be-maut hī marte dekhā

ishq-e-majbūr ko har dar se guzarte dekhā

qad baḌhāne ke liye ḳhabroñ meñ aane ke liye

husn-e-afkār ke dāman ko kutarte dekhā

maiñ ne ābād hue dekhā hai vīrānoñ ko

dil kī duniyā ko ka.ī baar bikharte dekhā

Dūbtā hai jahāñ har roz chamaktā dekhā

zulmat-e-shab meñ vahīñ chāñd ubharte dekhā

fasl-e-gul meñ bhī hai ġhunchoñ pe udāsī kā samāñ

shāḳh par kāñToñ kā bhī rang nikharte dekhā

fan kī dahlīz pe is ahd ke fankāroñ ko

apnī peshānī shab-o-roz ragaḌte dekhā

har hasin KHwab dam-e-subh bikharte dekha

gesu-e-ranj-o-alam ko bhi sanwarte dekha

husn-e-maghrur ko be-maut hi marte dekha

ishq-e-majbur ko har dar se guzarte dekha

qad baDhane ke liye KHabron mein aane ke liye

husn-e-afkar ke daman ko kutarte dekha

main ne aabaad hue dekha hai viranon ko

dil ki duniya ko kai bar bikharte dekha

Dubta hai jahan har roz chamakta dekha

zulmat-e-shab mein wahin chand ubharte dekha

fasl-e-gul mein bhi hai ghunchon pe udasi ka saman

shaKH par kanTon ka bhi rang nikharte dekha

fan ki dahliz pe is ahd ke fankaron ko

apni peshani shab-o-roz ragaDte dekha