har ek lamhe ki rag mein dard ka rishta dhaDakta hai
har ik lamhe kī rag meñ dard kā rishta dhaḌaktā hai
vahāñ taara laraztā hai jo yaañ patta khaḌaktā hai
Dhake rahte haiñ gahre abr meñ bātin ke sab manzar
kabhī ik lahza-e-idrāk bijlī sā kaḌaktā hai
mujhe dīvāna kar detī hai apnī maut kī shoḳhī
koī mujh meñ rag-e-iz.hār kī sūrat phaḌaktā hai
phir ik din aag lag jaatī hai jañgal meñ haqīqat ke
kahīñ pahle-pahal ik ḳhvāb kā shola bhaḌaktā hai
mirī nazreñ hī mere aks ko majrūh kartī haiñ
nigāheñ murtakiz hotī haiñ aur shīsha taḌaktā hai
har ek lamhe ki rag mein dard ka rishta dhaDakta hai
wahan tara larazta hai jo yan patta khaDakta hai
Dhake rahte hain gahre abr mein baatin ke sab manzar
kabhi ek lahza-e-idrak bijli sa kaDakta hai
mujhe diwana kar deti hai apni maut ki shoKHi
koi mujh mein rag-e-izhaar ki surat phaDakta hai
phir ek din aag lag jati hai jangal mein haqiqat ke
kahin pahle-pahal ek KHwab ka shola bhaDakta hai
meri nazren hi mere aks ko majruh karti hain
nigahen murtakiz hoti hain aur shisha taDakta hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
