har intiKHab yahan mazi-o-aqab ka hai

har intiḳhāb yahāñ māzī-o-aqab kā hai

savāl merā nahīñ hai mire nasab kā hai

shu.ūr-e-lauh-o-qalam se zuhūr-e-mahfil tak

har ek be-adabī par libās adab kā hai

na koī daad na tahsīn sirf ḳhāmoshī

mire suḳhan pe terā tabsira ġhazab kā hai

ho ek fard to ho fard-e-jurm bhī aayad

sitamgarī to yahāñ kārobār sab kā hai

ugā nahīñ koī sūraj mire muqaddar kā

dinoñ pe jaise musallat itaab shab kā hai

tamām zahmateñ mere gunāh ke saa.e

tamām rāhateñ in.aam mere rab kā hai

zafar ġhazal hai ki zaḳhmoñ kī hāshiya-bandī

na ḳhāl-o-ḳhat kā koī tazkira na lab kā hai

har intiKHab yahan mazi-o-aqab ka hai

sawal mera nahin hai mere nasab ka hai

shuur-e-lauh-o-qalam se zuhur-e-mahfil tak

har ek be-adabi par libas adab ka hai

na koi dad na tahsin sirf KHamoshi

mere suKHan pe tera tabsira ghazab ka hai

ho ek fard to ho fard-e-jurm bhi aayad

sitamgari to yahan karobar sab ka hai

uga nahin koi suraj mere muqaddar ka

dinon pe jaise musallat itab shab ka hai

tamam zahmaten mere gunah ke sae

tamam rahaten inam mere rab ka hai

zafar ghazal hai ki zaKHmon ki hashiya-bandi

na KHal-o-KHat ka koi tazkira na lab ka hai