har jaan ko yahan KHatir-e-manzil-ba-safar hai

har jaañ ko yahāñ ḳhātir-e-manzil-ba-safar hai

maqsūd-e-jahāñ kāmil-e-ashyā-e-hunar hai

ḳhākistar-e-anvār lahū ban ke tajallī

āzā-e-bashar meñ koī dam-sāz asar hai

āshufta-sarī rahbar-e-kashshāf-e-maqāsid

tund-rau-e-zamāna meñ bhī kotāh-nazar hai

is shorish-e-duniyā meñ jo dekho to mayassar

tā-hadd-e-nazar hech nishānāt-e-sahar hai

kyoñ hoñ na pareshāñ ki yahāñ sāhib-o-mālik

go haiñ ba-lab-e-marg nazar sū-e-guhar hai

duniyā ke pas-o-pesh ko samjhoge kahāñ tak

khul jaa.e girāh gar to yahāñ aur ḳhatar hai

har jaan ko yahan KHatir-e-manzil-ba-safar hai

maqsud-e-jahan kaamil-e-ashya-e-hunar hai

KHakistar-e-anwar lahu ban ke tajalli

aaza-e-bashar mein koi dam-saz asar hai

aashufta-sari rahbar-e-kashshaf-e-maqasid

tund-rau-e-zamana mein bhi kotah-nazar hai

is shorish-e-duniya mein jo dekho to mayassar

ta-hadd-e-nazar hech nishanat-e-sahar hai

kyon hon na pareshan ki yahan sahib-o-malik

go hain ba-lab-e-marg nazar su-e-guhar hai

duniya ke pas-o-pesh ko samjhoge kahan tak

khul jae girah gar to yahan aur KHatar hai