har jagah is tarah hua hun main

har jagah is tarah huā huuñ maiñ

jaise koī miyāñ ḳhudā huuñ maiñ

gar tū bhī jāntī nahīñ mujh ko

tū batā kis se pūchhūñ kyā huuñ maiñ

is ko to ḳhud-kushī na samjho tum

jiine ke vāste marā huuñ maiñ

vo mujhe bevafā samajhtā thā

is liye bevafā huā huuñ meñ

hijr kā faisla ho tum jānāñ

vasl kī ek iltijā huuñ maiñ

ḳhud hī ḳhud ko dilāse detā huuñ

aap hī apnā aasrā huuñ maiñ

tū nazar aayā hai mujhe ḳhud meñ

ya.anī ḳhud se nikal gayā huuñ maiñ

har jagah is tarah hua hun main

jaise koi miyan KHuda hun main

gar tu bhi jaanti nahin mujh ko

tu bata kis se puchhun kya hun main

is ko to KHud-kushi na samjho tum

jine ke waste mara hun main

wo mujhe bewafa samajhta tha

is liye bewafa hua hun mein

hijr ka faisla ho tum jaanan

wasl ki ek iltija hun main

KHud hi KHud ko dilase deta hun

aap hi apna aasra hun main

tu nazar aaya hai mujhe KHud mein

yani KHud se nikal gaya hun main