har KHushi hoti thi aazar nahin hote the

har ḳhushī hotī thī āzār nahīñ hote the

jab ki ham aap ke bīmār nahīñ hote the

tū hameñ chhoḌ ke shādāb nazar aane lagā

itne dilkash tire ruḳhsār nahīñ hote the

baat zū-mā'nī kabhī vo bhī nahīñ kartā thā

itne ham bhī to samajh-dār nahīñ hote the

ek muddat se hameñ qaid meñ rakkhā huā thā

aur ham bhī kabhī bezār nahīñ hote the

bas tire aage koī chaal nahīñ chaltī thī

varna āsānī se yalġhār nahīñ hote the

har KHushi hoti thi aazar nahin hote the

jab ki hum aap ke bimar nahin hote the

tu hamein chhoD ke shadab nazar aane laga

itne dilkash tere ruKHsar nahin hote the

baat zu-ma'ni kabhi wo bhi nahin karta tha

itne hum bhi to samajh-dar nahin hote the

ek muddat se hamein qaid mein rakkha hua tha

aur hum bhi kabhi bezar nahin hote the

bas tere aage koi chaal nahin chalti thi

warna aasani se yalghaar nahin hote the