har koi kyun chup baiTha hai sahab ji kuchh to bolo

har koī kyuuñ chup baiThā hai sāhab jī kuchh to bolo

ḳhāmoshī kā kyā qissa hai sāhab jī kuchh to bolo

aaj qalam kā roza hai kyā yā kāġhaz taqve se hai

qāsid kyuuñ fursat likhtā hai sāhab jī kuchh to bolo

añgnā.ī ke peḌ pe panchhī zikr meñ kyuuñ masrūf nahīñ

ye sannāTā sā kaisā hai sāhab jī kuchh to bolo

majbūrī se muḳhtārī tak duurī se nazdīkī tak

āḳhir ye kaisā parda hai sāhab jī kuchh to bolo

kis kis kā muñh band karoge kis ko kis ko rokoge

burā milan ke beach meñ kyā hai sāhab jī kuchh to bolo

jo darvāza lāchārī ke naam pe mujh par band rahā

kyā ab bhī vo band paḌā hai sāhab jī kuchh to bolo

is duniyā se us duniyā tak rusvā kar dene ke ba.ad

ab logoñ kā kyā kahnā hai sāhab jī kuchh to bolo

kal tak tum ko jaan se pyārā dil kā sahārā lagtā thā

ab 'rahmānī' kyā lagtā hai sāhab jī kuchh to bolo

har koi kyun chup baiTha hai sahab ji kuchh to bolo

KHamoshi ka kya qissa hai sahab ji kuchh to bolo

aaj qalam ka roza hai kya ya kaghaz taqwe se hai

qasid kyun fursat likhta hai sahab ji kuchh to bolo

angnai ke peD pe panchhi zikr mein kyun masruf nahin

ye sannaTa sa kaisa hai sahab ji kuchh to bolo

majburi se muKHtari tak duri se nazdiki tak

aaKHir ye kaisa parda hai sahab ji kuchh to bolo

kis kis ka munh band karoge kis ko kis ko rokoge

bura milan ke beach mein kya hai sahab ji kuchh to bolo

jo darwaza lachaari ke nam pe mujh par band raha

kya ab bhi wo band paDa hai sahab ji kuchh to bolo

is duniya se us duniya tak ruswa kar dene ke baad

ab logon ka kya kahna hai sahab ji kuchh to bolo

kal tak tum ko jaan se pyara dil ka sahaara lagta tha

ab 'rahmani' kya lagta hai sahab ji kuchh to bolo