har manzar-e-hayat baDi be-dili ka tha

har manzar-e-hayāt baḌī be-dilī kā thā

umr-e-ravāñ kā saarā safar vāpsī kā thā

apnī zamīñ se apnī jaḌeñ khodnā paḌīñ

aisā bhī ek daur mirī be-hisī kā thā

ahl-e-falak to sū-e-zamīñ dekhte rahe

rū-e-zamīñ pe pahlā qadam aadmī kā thā

jo saañs jā chukā vo amānat thā maut kī

jo aa gayā palaT ke vahī zindagī kā thā

is ran meñ hār-jīt to sab kī nazar meñ hai

is aa.ine meñ aks magar daraupadī kā thā

kyā justujū thī 'kaif' ki maiñ ḳhud bhī kho gayā

shāyad vo ik safar mirī gum-gashtagī kā thā

har manzar-e-hayat baDi be-dili ka tha

umr-e-rawan ka sara safar wapsi ka tha

apni zamin se apni jaDen khodna paDin

aisa bhi ek daur meri be-hisi ka tha

ahl-e-falak to su-e-zamin dekhte rahe

ru-e-zamin pe pahla qadam aadmi ka tha

jo sans ja chuka wo amanat tha maut ki

jo aa gaya palaT ke wahi zindagi ka tha

is ran mein haar-jit to sab ki nazar mein hai

is aaine mein aks magar daraupadi ka tha

kya justuju thi 'kaif' ki main KHud bhi kho gaya

shayad wo ek safar meri gum-gashtagi ka tha