har manzil ke aage manzil

har manzil ke aage manzil

Tuut na jaa.e rahrau kā dil

farzī hai har hadd-e-fāsil

kaun hai 'ālim kaun hai jāhil

yuuñ to bahut haiñ ‘ishrat-gāheñ

un kī mahfil un kī mahfil

dard nahīñ hai to kyā ḳhush ho

dil hī nahīñ hai dard ke qābil

tūfānoñ kā zor musallam

tang nahīñ hai dāman-e-sāhil

un se milnā un ko bhulānā

ye bhī mushkil vo bhī mushkil

jiine kī har dil meñ havas hai

koī batā.e is kā hāsil

sau dā'voñ par aaj bhī insān

ġhāfil aur ġhāfil se ġhāfil

har manzil ke aage manzil

Tut na jae rahrau ka dil

farzi hai har hadd-e-fasil

kaun hai 'alim kaun hai jahil

yun to bahut hain ‘ishrat-gahen

un ki mahfil un ki mahfil

dard nahin hai to kya KHush ho

dil hi nahin hai dard ke qabil

tufanon ka zor musallam

tang nahin hai daman-e-sahil

un se milna un ko bhulana

ye bhi mushkil wo bhi mushkil

jine ki har dil mein hawas hai

koi batae is ka hasil

sau da'won par aaj bhi insan

ghafil aur ghafil se ghafil