har nae chehre se paida ek naya chehra hua
har na.e chehre se paidā ik nayā chehrā huā
tāq-e-nisyāñ par hai koī aa.ina rakkhā huā
be-vasīla is jahāñ meñ maut bhī mumkin nahīñ
hīla-e-dār-o-rasan bhī hai mirā samjhā huā
zaḳhm gahre kar rahī hai har na.e misre kī kaaT
sher kahne se bhī dil kā bojh kab halkā huā
zindagī kyā jaane kyuuñ mahsūs hotā hai mujhe
tujh se pahle bhī ho jaise zahr ye chakkhā huā
huuk sī uThtī hai 'sahbā' āsmāñ ko dekh kar
gar maiñ sho.ala huuñ to phir kyuuñ ḳhaak se paidā huā
har nae chehre se paida ek naya chehra hua
taq-e-nisyan par hai koi aaina rakkha hua
be-wasila is jahan mein maut bhi mumkin nahin
hila-e-dar-o-rasan bhi hai mera samjha hua
zaKHm gahre kar rahi hai har nae misre ki kaT
sher kahne se bhi dil ka bojh kab halka hua
zindagi kya jaane kyun mahsus hota hai mujhe
tujh se pahle bhi ho jaise zahr ye chakkha hua
huk si uThti hai 'sahba' aasman ko dekh kar
gar main shoala hun to phir kyun KHak se paida hua
Source:
Sarkashidah (Pg. 226)
- Author: Sahba Akhtar
-
- Edition: 1977
- Publisher: Maktaba-e-Nadeem ke airia ko rangi Karachi
- Year of Publication: 1977
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
