har nae moD dhup ka sahra

har na.e moḌ dhuup kā sahrā

kārvāñ-sāz rah ga.e tanhā

sāya-e-shāḳh-e-gul se nā-mānūs

vo koī pāltū kabūtar thā

vo koī reshmī libās meñ thī

maiñ koī phuul thā jo murjhāyā

chāñdnī chaar din bahut soī

pāñchveñ din ḳhumār TuuT gayā

machhliyāñ ḳhud-fareb hotī haiñ

ik machhere na tabsira likkhā

vāpsī ab gharoñ meñ nā-mumkin

duur tak be gumān sannāTā

ās.māñ soch kar uḌaan bharī

chaar samtoñ se ik ḳhalā ubhrā

kashtiyāñ sāhiloñ pe Duub chalīñ

vo khule pāniyoñ meñ kuud paḌā

raushnī ke halīf bhugteñge

tīrgī kī jabīn par likkhā

har nae moD dhup ka sahra

karwan-saz rah gae tanha

saya-e-shaKH-e-gul se na-manus

wo koi paltu kabutar tha

wo koi reshmi libas mein thi

main koi phul tha jo murjhaya

chandni chaar din bahut soi

panchwen din KHumar TuT gaya

machhliyan KHud-fareb hoti hain

ek machhere na tabsira likkha

wapsi ab gharon mein na-mumkin

dur tak be guman sannaTa

aasman soch kar uDan bhari

chaar samton se ek KHala ubhra

kashtiyan sahilon pe Dub chalin

wo khule paniyon mein kud paDa

raushni ke halif bhugtenge

tirgi ki jabin par likkha