har-nafas taza sitam hote hain

har-nafas taaza sitam hote haiñ

jab tire shahr meñ ham hote haiñ

phuul khilte haiñ jo us ke lab par

rashk-e-gulzār-e-iram hote haiñ

dil meñ bas jaa.eñ jo armāñ kī tarah

aise ash.ār to kam hote haiñ

ham ki haiñ shāh-e-dayār-e-ḳhūbāñ

hadaf-e-tesha-e-ġham hote haiñ

Thes lag jaa.e na ḳhuddārī ko

lo vo mā.il-ba-karam hote haiñ

ġham-e-mahbūb se baḌh kar nahīñ ġham

yuuñ to har tarah ke ġham hote haiñ

jin ko dekhe se koī yaad aa.e

aise ahbāb bhī kam hote haiñ

zehn-e-shā.ir meñ hamesha 'iqbāl'

nā-tarāshīda sanam hote haiñ

har-nafas taza sitam hote hain

jab tere shahr mein hum hote hain

phul khilte hain jo us ke lab par

rashk-e-gulzar-e-iram hote hain

dil mein bas jaen jo arman ki tarah

aise ashaar to kam hote hain

hum ki hain shah-e-dayar-e-KHuban

hadaf-e-tesha-e-gham hote hain

Thes lag jae na KHuddari ko

lo wo mail-ba-karam hote hain

gham-e-mahbub se baDh kar nahin gham

yun to har tarah ke gham hote hain

jin ko dekhe se koi yaad aae

aise ahbab bhi kam hote hain

zehn-e-shair mein hamesha 'iqbaal'

na-tarashida sanam hote hain