har nazar ko hashr mein ek hashr barpa chahiye

har nazar ko hashr meñ ik hashr barpā chāhiye

aur unheñ mahshar meñ bhī sar kā dupaTTa chāhiye

banda-parvar ye khilaunā to nahīñ jo pheñk deñ

saaf kah diije nahīñ dil chāhiye yā chāhiye

dījiye do chaar tohfe meñ ġhazab kī gāliyāñ

ham ko agle maah kā is maah ḳharcha chāhiye

de ga.e ġhair apnā dil tohfe meñ un ko aur ham

pūchhte hī rah ga.e kyā chāhiye kyā chāhiye

sharm meñ inkār vo bose ko karte rah ga.e

phir jhijhak kar kah diyā āḳhir ko achchhā chāhiye

jaan jaa.e par nahīñ manzūr 'hāris' marg-e-dil

'āshiqoñ kā qabr meñ bhī dil machalnā chāhiye

har nazar ko hashr mein ek hashr barpa chahiye

aur unhen mahshar mein bhi sar ka dupaTTa chahiye

banda-parwar ye khilauna to nahin jo phenk den

saf kah dije nahin dil chahiye ya chahiye

dijiye do chaar tohfe mein ghazab ki galiyan

hum ko agle mah ka is mah KHarcha chahiye

de gae ghair apna dil tohfe mein un ko aur hum

puchhte hi rah gae kya chahiye kya chahiye

sharm mein inkar wo bose ko karte rah gae

phir jhijhak kar kah diya aaKHir ko achchha chahiye

jaan jae par nahin manzur 'haaris' marg-e-dil

'ashiqon ka qabr mein bhi dil machalna chahiye