har parinde ki baat sunta hai

har parinde kī baat suntā hai

be-zabāñ peḌ sab se achchhā hai

jis qadar ham ne bhed samjhā hai

koī manzil na koī rasta hai

in añdheroñ ko kis liye koseñ

raushnī ban ke phuul khiltā hai

chalne vaalā nikal gayā aage

qāfila rāste meñ Thahrā hai

jis kī ḳhātir haiñ jāgte rahe ham

vo abhī pālne meñ sotā hai

in dinoñ maiñ huuñ tanhā tanhā sā

ek gum-sum ḳhayāl rahtā hai

be-gharoñ ke qadam nahīñ rukte

un kā āñgan tamām duniyā hai

dil bahaltā hujūm meñ rah kar

ḳhud se Dartā huā vo tanhā hai

kal kī bātoñ se be-ḳhabar ham haiñ

saat janmoñ kā kyā bharosā hai

har parinde ki baat sunta hai

be-zaban peD sab se achchha hai

jis qadar hum ne bhed samjha hai

koi manzil na koi rasta hai

in andheron ko kis liye kosen

raushni ban ke phul khilta hai

chalne wala nikal gaya aage

qafila raste mein Thahra hai

jis ki KHatir hain jagte rahe hum

wo abhi palne mein sota hai

in dinon main hun tanha tanha sa

ek gum-sum KHayal rahta hai

be-gharon ke qadam nahin rukte

un ka aangan tamam duniya hai

dil bahalta hujum mein rah kar

KHud se Darta hua wo tanha hai

kal ki baaton se be-KHabar hum hain

sat janmon ka kya bharosa hai