har qadam ek KHat-e-eajaz mein rakkhe hue hain

har qadam ik ḳhat-e-e.ajāz meñ rakkhe hue haiñ

vo ram-o-raft kis andāz meñ rakkhe hue haiñ

umr bhar un ke ta.āqub meñ rahe aur khulā

ḳhāk-paimā.ī ko āġhāz meñ rakkhe hue haiñ

ek rasmī sā ta.āruf thā mulāqāt na thī

aur ham saada use raaz meñ rakkhe hue haiñ

qumrī-o-bulbul-o-tā.ūs-o-rubāb-o-nai-o-chañg

sab usī husn ko āvāz meñ rakkhe hue haiñ

ye jo palkoñ meñ dam-e-shab haiñ chale aa.e charāġh

kisī mahtāb ke andāz meñ rakkhe hue haiñ

vo ruḳh-e-husn-e-samā.at hai kisī aur taraf

ham abas dard ko āvāz meñ rakkhe hue haiñ

har qadam ek KHat-e-eajaz mein rakkhe hue hain

wo ram-o-raft kis andaz mein rakkhe hue hain

umr bhar un ke taaqub mein rahe aur khula

KHak-paimai ko aaghaz mein rakkhe hue hain

ek rasmi sa taaruf tha mulaqat na thi

aur hum sada use raaz mein rakkhe hue hain

qumri-o-bulbul-o-taus-o-rubab-o-nai-o-chang

sab usi husn ko aawaz mein rakkhe hue hain

ye jo palkon mein dam-e-shab hain chale aae charagh

kisi mahtab ke andaz mein rakkhe hue hain

wo ruKH-e-husn-e-samaat hai kisi aur taraf

hum abas dard ko aawaz mein rakkhe hue hain