har qadam par dozaKH-e-tashkik hai

har qadam par dozaḳh-e-tashkīk hai

hai yaqīñ hamrāh to phir Thiik hai

hai vasā.il par sabhī kuchh munhasir

duur kyā hai aur kyā nazdīk hai

baat haañ me'yār kī kuchh aur hai

varna tohfa kyā hai aslan bhiik hai

'ishq yuuñ to ek 'ālam par muhīt

varna bas ik nukta-e-bārīk hai

uljhaneñ pechīdgī lā-samtiyat

paañv shal haiñ rāsta tārīk hai

maiñ jo kahtā huuñ ġhalat aur nāravā

aap jo kah deñ bajā hai Thiik hai

chāñd hai lekin hai gahnāyā huā

raushnī to hai magar tārīk hai

aaj phir 'rāhī' koī taaza ġhazal

zehn meñ phir ik na.ī tahrīk hai

har qadam par dozaKH-e-tashkik hai

hai yaqin hamrah to phir Thik hai

hai wasail par sabhi kuchh munhasir

dur kya hai aur kya nazdik hai

baat han me'yar ki kuchh aur hai

warna tohfa kya hai aslan bhik hai

'ishq yun to ek 'alam par muhit

warna bas ek nukta-e-barik hai

uljhanen pechidgi la-samtiyat

panw shal hain rasta tarik hai

main jo kahta hun ghalat aur narawa

aap jo kah den baja hai Thik hai

chand hai lekin hai gahnaya hua

raushni to hai magar tarik hai

aaj phir 'rahi' koi taza ghazal

zehn mein phir ek nai tahrik hai