har-qadam par shauq-e-manzil ki farawani to hai

har-qadam par shauq-e-manzil kī farāvānī to hai

rāh-e-dushvār-e-mohabbat meñ ye āsānī to hai

be-shak is jiine se mar jaane meñ āsānī to hai

lekin ai dil marzī-e-qātil kī qurbānī to hai

sach hai shevan se mire un ko pareshānī to hai

lekin āḳhir dard-e-uzr-e-nāla-e-sāmānī to hai

kāmyābī ho na ho baiThā na rah tadbīr kar

mudda.ā bas meñ nahīñ hai sa.ī-e-imkānī to hai

aaj ye taskīn kaafī hai ki kal roz-e-jazā

rūedād-e-zīst kah kar dād-e-ġham paanī to hai

haañ yahāñ ye hai ki maqsūd-o-tamannā saath haiñ

varna ye jannat hamārī jānī-pahchānī to hai

ek zarf-e-dil hai us meñ do kī gunjā.ish kahāñ

duur ai jam.īyat-e-ḳhātir pareshānī to hai

haañ bure ko bhī na iizā de ki us kī zaat meñ

ḳhū-e-insānī nahīñ hai rūh-e-haivānī to hai

rahnumā.ī aql se chāhī shurū-e-ishq meñ

afv kar ai be-ḳhudī ye merī nādānī to hai

dekhiye bāzār-e-mahshar meñ ye kin dāmoñ bike

jins-e-ġham kī ḳhair se duniyā meñ arzānī to hai

aur niklegī koī tadbīr pairāhan-darī

hoñ jo shal haiñ haath shauq-e-chāk-dāmānī to hai

aa.ine meñ eqtidār-e-husn kī sūrat kahāñ

aa.ina rakh de idhar aa merī hairānī to hai

un ko kyā TuuTe kisī kā dil ki rusvā ho koī

ḳhush raheñ yūsuf ki sābit pāk-dāmānī to hai

kis ġharaz se phir gavārā kījiye taklīf-e-zabt

raaz rakh kar bhī mohabbat kī sazā paanī to hai

ahl-e-dil se ye jahāñ ḳhālī bhī rahtā hai kahīñ

'urfī'-o-'ġhālib' nahīñ 'fānī' nahīñ 'mānī' to hai

har-qadam par shauq-e-manzil ki farawani to hai

rah-e-dushwar-e-mohabbat mein ye aasani to hai

be-shak is jine se mar jaane mein aasani to hai

lekin ai dil marzi-e-qatil ki qurbani to hai

sach hai shewan se mere un ko pareshani to hai

lekin aaKHir dard-e-uzr-e-nala-e-samani to hai

kaamyabi ho na ho baiTha na rah tadbir kar

muddaa bas mein nahin hai sai-e-imkani to hai

aaj ye taskin kafi hai ki kal roz-e-jaza

ruedad-e-zist kah kar dad-e-gham pani to hai

han yahan ye hai ki maqsud-o-tamanna sath hain

warna ye jannat hamari jaani-pahchani to hai

ek zarf-e-dil hai us mein do ki gunjaish kahan

dur ai jamiyat-e-KHatir pareshani to hai

han bure ko bhi na iza de ki us ki zat mein

KHu-e-insani nahin hai ruh-e-haiwani to hai

rahnumai aql se chahi shuru-e-ishq mein

afw kar ai be-KHudi ye meri nadani to hai

dekhiye bazar-e-mahshar mein ye kin damon bike

jins-e-gham ki KHair se duniya mein arzani to hai

aur niklegi koi tadbir pairahan-dari

hon jo shal hain hath shauq-e-chaak-damani to hai

aaine mein eqtidar-e-husn ki surat kahan

aaina rakh de idhar aa meri hairani to hai

un ko kya TuTe kisi ka dil ki ruswa ho koi

KHush rahen yusuf ki sabit pak-damani to hai

kis gharaz se phir gawara kijiye taklif-e-zabt

raaz rakh kar bhi mohabbat ki saza pani to hai

ahl-e-dil se ye jahan KHali bhi rahta hai kahin

'urfi'-o-'ghaalib' nahin 'fani' nahin 'mani' to hai