har roz hi din bhar ke jhamelon se nimaT ke
har roz hī din bhar ke jhameloñ se nimaT ke
ro lete haiñ ham raat ke āñchal se lipaT ke
ham kaun haiñ kyuuñ baiThe haiñ yuuñ rāhguzar par
pūchhā na kisī ik bhī musāfir ne palaT ke
kyā kyā the mire dil ke sahīfe meñ mazāmīñ
dekhe na kisī ne mire aurāq ulaT ke
phirte rahe āvāra ḳhayālāt kī sūrat
kyā chiiz thī ham jis ke liye dahr meñ bhaTke
shab karvaTeñ lete to na guzre kabhī 'munzir'
so jaao miyāñ dard kī bāhoñ meñ simaT ke
har roz hi din bhar ke jhamelon se nimaT ke
ro lete hain hum raat ke aanchal se lipaT ke
hum kaun hain kyun baiThe hain yun rahguzar par
puchha na kisi ek bhi musafir ne palaT ke
kya kya the mere dil ke sahife mein mazamin
dekhe na kisi ne mere auraq ulaT ke
phirte rahe aawara KHayalat ki surat
kya chiz thi hum jis ke liye dahr mein bhaTke
shab karwaTen lete to na guzre kabhi 'munzir'
so jao miyan dard ki bahon mein simaT ke
Source:
Funoon(Jadeed Ghazal Number: Volume-002) (Pg. 547)
-
- Edition: 1969
- Publisher: Ahmad Nadeem Qasmi
- Year of Publication: 1969
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
