har saat-e-bahaar-o-masarrat guzar gai

har sā.at-e-bahār-o-masarrat guzar ga.ī

dil kyā gayā ki lazzat-e-dard-e-jigar ga.ī

dil bujh gayā vafā pe qayāmat guzar ga.ī

achchhā huā ki gardish-e-shām-o-sahar ga.ī

dil ko ḳhayāl-e-gardish-e-daurāñ nahīñ rahā

un kī nigāh-e-nāz pe ehsān kar ga.ī

maanā ki e.atibār-e-zamāna nahīñ rahā

ummīd-e-rā.egāñ na dil-e-mo'tabar ga.ī

shām-e-firāq vo nahīñ aa.e nahīñ sahī

duniyā-e-ārzū to mirī kuchh sañvar ga.ī

jalva-faroz tuur pe dekhā to thā 'kalīm'

pūchho na vaqt-e-dīd jo dil par guzar ga.ī

har saat-e-bahaar-o-masarrat guzar gai

dil kya gaya ki lazzat-e-dard-e-jigar gai

dil bujh gaya wafa pe qayamat guzar gai

achchha hua ki gardish-e-sham-o-sahar gai

dil ko KHayal-e-gardish-e-dauran nahin raha

un ki nigah-e-naz pe ehsan kar gai

mana ki eatibar-e-zamana nahin raha

ummid-e-raegan na dil-e-mo'tabar gai

sham-e-firaq wo nahin aae nahin sahi

duniya-e-arzu to meri kuchh sanwar gai

jalwa-faroz tur pe dekha to tha 'kalim'

puchho na waqt-e-did jo dil par guzar gai