har sans mein KHud apne na hone ka guman tha

har saañs meñ ḳhud apne na hone kā gumāñ thā

vo sāmne aa.e to mujhe hosh kahāñ thā

kartī haiñ ulaT-pher yūñhī un kī nigāheñ

kaaba hai vahīñ aaj sanam-ḳhāna jahāñ thā

taqsīr-e-nazar dekhne vāloñ kī hai varna

un kā koī jalva na ayaañ thā na nihāñ thā

badlī jo zarā chashm-e-mashīyat koī dam ko

har samt bapā mahshar-e-fariyād-o-fuġhāñ thā

lapkā hai bagūla sā abhī un kī taraf ko

shāyad kisī majbūr kī aahoñ kā dhuāñ thā

'anvar' mire kaam aa.ī qayāmat meñ nidāmat

rahmat kā taqāzā mirā har ashk-e-ravāñ thā

har sans mein KHud apne na hone ka guman tha

wo samne aae to mujhe hosh kahan tha

karti hain ulaT-pher yunhi un ki nigahen

kaba hai wahin aaj sanam-KHana jahan tha

taqsir-e-nazar dekhne walon ki hai warna

un ka koi jalwa na ayan tha na nihan tha

badli jo zara chashm-e-mashiyat koi dam ko

har samt bapa mahshar-e-fariyaad-o-fughan tha

lapka hai bagula sa abhi un ki taraf ko

shayad kisi majbur ki aahon ka dhuan tha

'anwar' mere kaam aai qayamat mein nidamat

rahmat ka taqaza mera har ashk-e-rawan tha