har samt pareshan teri aamad ke qarine
har samt pareshāñ tirī aamad ke qarīne
dhoke diye kyā kyā hameñ bād-e-saharī ne
har manzil-e-ġhurbat pe gumāñ hotā hai ghar kā
bahlāyā hai har gaam bahut dar-ba-darī ne
the bazm meñ sab dūd-e-sar-e-bazm se shādāñ
be-kār jalāyā hameñ raushan-nazrī ne
mai-ḳhāne meñ aajiz hue āzurda-dilī se
masjid kā na rakkhā hameñ āshufta-sarī ne
ye jāma-e-sad-chāk badal lene meñ kyā thā
mohlat hī na dī 'faiz' kabhī baḳhiya-garī ne
har samt pareshan teri aamad ke qarine
dhoke diye kya kya hamein baad-e-sahari ne
har manzil-e-ghurbat pe guman hota hai ghar ka
bahlaya hai har gam bahut dar-ba-dari ne
the bazm mein sab dud-e-sar-e-bazm se shadan
be-kar jalaya hamein raushan-nazri ne
mai-KHane mein aajiz hue aazurda-dili se
masjid ka na rakkha hamein aashufta-sari ne
ye jama-e-sad-chaak badal lene mein kya tha
mohlat hi na di 'faiz' kabhi baKHiya-gari ne
Source:
Nuskha Hai Wafa (Pg. 370)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
