har shaKHs bad-hawas KHabar ke sabab se tha

har shaḳhs bad-havās ḳhabar ke sabab se thā

kashtī meñ intishār bhañvar ke sabab se thā

āñkheñ badan baġhair aur āñkhoñ meñ ek ḳhvāb

mahrūmī-e-ma.āl safar ke sabab se thā

bīnā.ī ke ġhubār se manzar meñ dhuul thī

vo aa.ina sarāb nazar ke sabab se thā

itnā qalīl bosa ki ehsās-e-lams bhī

ḳhud-sāḳhta nashe ke asar ke sabab se thā

varna saḌak kī meḌ Thahartī qusūr-vār

sad imtinān hādisa Dar ke sabab se thā

khiḌkī se raushnī kī vazāhat pe ye khulā

dīvār kā javāz to ghar ke sabab se thā

miTTī ke martabe kā khulā e'tirāf thā

merā zamīñ ko bosa shajar ke sabab se thā

har shaKHs bad-hawas KHabar ke sabab se tha

kashti mein intishaar bhanwar ke sabab se tha

aankhen badan baghair aur aankhon mein ek KHwab

mahrumi-e-maal safar ke sabab se tha

binai ke ghubar se manzar mein dhul thi

wo aaina sarab nazar ke sabab se tha

itna qalil bosa ki ehsas-e-lams bhi

KHud-saKHta nashe ke asar ke sabab se tha

warna saDak ki meD Thaharti qusur-war

sad imtinan hadisa Dar ke sabab se tha

khiDki se raushni ki wazahat pe ye khula

diwar ka jawaz to ghar ke sabab se tha

miTTi ke martabe ka khula e'tiraf tha

mera zamin ko bosa shajar ke sabab se tha