har shaKHs hai pa-basta-ba-zanjir likhe kaun
har shaḳhs hai pā-basta-ba-zanjīr likhe kaun
is ahd-e-pur-āshob kī tafsīr likhe kaun
likhne the hameñ bhī dil-e-betāb ke hālāt
hotī hai magar dard kī tash.hīr likhe kaun
likhne ko mayassar hoñ agar lauh-o-qalam bhī
tere lab-o-ruḳhsār kī tafsīr likhe kaun
likhnā jo huā mujh ko to maqtal maiñ likhūñgā
is vādī-e-pur-ḳhūn ko kashmīr likhe kaun
har shaKHs hai pa-basta-ba-zanjir likhe kaun
is ahd-e-pur-ashob ki tafsir likhe kaun
likhne the hamein bhi dil-e-betab ke haalat
hoti hai magar dard ki tashhir likhe kaun
likhne ko mayassar hon agar lauh-o-qalam bhi
tere lab-o-ruKHsar ki tafsir likhe kaun
likhna jo hua mujh ko to maqtal main likhunga
is wadi-e-pur-KHun ko kashmir likhe kaun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
