aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

har shaKHs yahan mujhko bimar sa lagta hai

Hafeez Shahid

har shaKHs yahan mujhko bimar sa lagta hai

Hafeez Shahid

MORE BYHafeez Shahid

    har shaḳhs yahāñ mujh ko bīmār lagtā hai

    is shahr meñ ab jiinā āzār lagtā hai

    sochoñ dukāneñ haiñ yādoñ ke khilaune haiñ

    siine meñ mire koī bāzār lagtā hai

    dekhā tumheñ jab se ehsās ke āñgan meñ

    har jazba-e-ḳhvābīda bedār lagtā hai

    ab rāh-e-mohabbat meñ chalnā hai bahut mushkil

    is raah har patthar kohsār lagtā hai

    maanā ki tire lab par alfāz to achchhe haiñ

    lekin ye tirā lahja talvār lagtā hai

    kuchh shahr ke dukhḌe haiñ kuchh ghar ke masā.il haiñ

    mujh ko ye tirā ḳhat bhī aḳhbār lagtā hai

    hālāt ne bhar hai talḳhī tabī.at meñ

    ab kār-e-suḳhan-sāzī dushvār lagtā hai

    dar-asl vo kaisā hai ye ba.ad bāteñ haiñ

    chehre se magar 'shāhid' ġham-ḳhvār lagtā hai

    har shaKHs yahan mujh ko bimar sa lagta hai

    is shahr mein ab jina aazar sa lagta hai

    sochon ki dukanen hain yaadon ke khilaune hain

    sine mein mere koi bazar sa lagta hai

    dekha tumhein jab se ehsas ke aangan mein

    har jazba-e-KHwabida bedar sa lagta hai

    ab rah-e-mohabbat mein chalna hai bahut mushkil

    is rah ka har patthar kohsar sa lagta hai

    mana ki tere lab par alfaz to achchhe hain

    lekin ye tera lahja talwar sa lagta hai

    kuchh shahr ke dukhDe hain kuchh ghar ke masail hain

    mujh ko ye tera KHat bhi aKHbar sa lagta hai

    haalat ne bhar di hai talKHi si tabiat mein

    ab kar-e-suKHan-sazi dushwar sa lagta hai

    dar-asl wo kaisa hai ye baad ki baaten hain

    chehre se magar 'shahid' gham-KHwar sa lagta hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now