har sher har ghazal pe hai aisi chhap teri

har sher har ġhazal pe hai aisī chhāp terī

tasvīr ban rahī hai ik apne aap terī

māhaul ḳhushnumā thā manzar thirak rahe the

table pe paḌ rahī thī jab tez thaap terī

pāzeb pahne koī sīḌhī utar rahā hai

ziine se aa rahī hai phir mujh ko chaap terī

ġhusse meñ tū ne us ko jaane ko kah diyā par

har saañs kar rahī hai ab pashchātāp terī

office kī filoñ ko nipTā ke shaam bolī

ai din thakā rahī hai ye āpādhāp terī

tere liye kisī ko itnā dīvāna dekhā

lagne lagī hai mujh ko chāhat bhī paap terī

aa.ī thī saj sañvar ke ik shaam tujh se milne

chup-chāp lauTtī hai ḳhāmoshī bhaap terī

har sher har ghazal pe hai aisi chhap teri

taswir ban rahi hai ek apne aap teri

mahaul KHushnuma tha manzar thirak rahe the

table pe paD rahi thi jab tez thap teri

pazeb pahne koi siDhi utar raha hai

zine se aa rahi hai phir mujh ko chap teri

ghusse mein tu ne us ko jaane ko kah diya par

har sans kar rahi hai ab pashchatap teri

office ki filon ko nipTa ke sham boli

ai din thaka rahi hai ye aapadhap teri

tere liye kisi ko itna diwana dekha

lagne lagi hai mujh ko chahat bhi pap teri

aai thi saj sanwar ke ek sham tujh se milne

chup-chap lauTti hai KHamoshi bhap teri