har sub.h maiñ patthar kī tarah saḳht banā huuñ
shaam aate hī shīshe kī tarah TuuT gayā huuñ
girtī huī dīvār ke saa.e meñ Thahar kar
chaḌhte hue sūraj kī taraf dekh rahā huuñ
ik baar kisī ne mujhe dīvāna kahā thā
ab tak usī lahje kī adā DhūñD rahā huuñ
tum sub.h ke dīvān meñ shādāb khaḌī ho
maiñ raat kī daldal meñ utartā hī chalā huuñ
maiñ ab bhī tirī reshmī palkoñ kī zamīñ par
sayyāl nagīnoñ kī chamak ban ke khaḌā huuñ
har subh main patthar ki tarah saKHt bana hun
sham aate hi shishe ki tarah TuT gaya hun
girti hui diwar ke sae mein Thahar kar
chaDhte hue suraj ki taraf dekh raha hun
ek bar kisi ne mujhe diwana kaha tha
ab tak usi lahje ki ada DhunD raha hun
tum subh ke diwan mein shadab khaDi ho
main raat ki daldal mein utarta hi chala hun
main ab bhi teri reshmi palkon ki zamin par
sayyal naginon ki chamak ban ke khaDa hun
Source:
Sadaf Tamam Reet Reet (Pg. 23)
-
Author:
Aliuddeen Naved
-
- Publisher: Hyderabad Literary Form
- Year of Publication: 1979
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.