har tamannā dil se ruḳhsat ho ga.ī
aaj mustahkam mohabbat ho ga.ī
ban ga.ī bīmār-e-ġham kī zindagī
un kī jab chashm-e-ināyat ho ga.ī
shukriya jo aap aa.e dekhne
kam se kam jiine kī sūrat ho ga.ī
ġhair apne aur apne ġhair haiñ
kyā se kyā duniyā kī hālat ho ga.ī
dekhiye zabt-e-mohabbat kā ma.aal
ashk-e-ġham piine kī aadat ho ga.ī
muskurā.e mujh ko rotā dekh kar
aap kī zāhir mohabbat ho ga.ī
tum se mil kar itne ġham sahne paḌe
ġham-pasandāna tabī.at ho ga.ī
jin kā 'sājid' umr-bhar kahnā kiyā
ab unhīñ ko ham se nafrat ho ga.ī
har tamanna dil se ruKHsat ho gai
aaj mustahkam mohabbat ho gai
ban gai bimar-e-gham ki zindagi
un ki jab chashm-e-inayat ho gai
shukriya jo aap aae dekhne
kam se kam jine ki surat ho gai
ghair apne aur apne ghair hain
kya se kya duniya ki haalat ho gai
dekhiye zabt-e-mohabbat ka maal
ashk-e-gham pine ki aadat ho gai
muskurae mujh ko rota dekh kar
aap ki zahir mohabbat ho gai
tum se mil kar itne gham sahne paDe
gham-pasandana tabiat ho gai
jin ka 'sajid' umr-bhar kahna kiya
ab unhin ko hum se nafrat ho gai
Source:
Aaina-e-Ghazal (Pg. 97)
-
Author:
Sajid Siddiqi lakhnavi
-
- Edition: 1973
- Publisher: Sajid Siddiqi lakhnavi
- Year of Publication: 1973
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.