har taraf dhup ki chadar ko bichhane wala

har taraf dhuup kī chādar ko bichhāne vaalā

kaam par niklā hai duniyā ko jagāne vaalā

apne har jurm ko purkhoñ kī virāsat kah kar

aib ko riit batātā hai batāne vaalā

aaj ik laash kī sūrat vo nazar aatā hai

ātmāoñ se mulāqāt karāne vaalā

aql kī aañkh se dekhā hai tumhāre chhal ko

tīsrī aañkh banātā hai banāne vaalā

apnī ma.asūm baġhāvat pe baḌā hai parasnn

kaaTh kī top khilaunoñ meñ sajāne vaalā

tiir kī nok pe mīnākshī rahtī hai sadā

lakshya sādhegā kahāñ tak ye nishāne vaalā

niiñd phir aa.egī 'sājid' tumheñ be-fikrī se

kaam koī na karo dil ko dukhāne vaalā

har taraf dhup ki chadar ko bichhane wala

kaam par nikla hai duniya ko jagane wala

apne har jurm ko purkhon ki wirasat kah kar

aib ko rit batata hai batane wala

aaj ek lash ki surat wo nazar aata hai

aatmaon se mulaqat karane wala

aql ki aankh se dekha hai tumhaare chhal ko

tisri aankh banata hai banane wala

apni masum baghawat pe baDa hai parasnn

kaTh ki top khilaunon mein sajaane wala

tir ki nok pe minakshi rahti hai sada

lakshya sadhega kahan tak ye nishane wala

nind phir aaegi 'sajid' tumhein be-fikri se

kaam koi na karo dil ko dukhane wala