har taraf hai us se mere dil ke lag jaane mein dhum

har taraf hai us se mere dil ke lag jaane meñ dhuum

bulbul-o-gul meñ hai chah-chah sham-o-parvāne meñ dhuum

fitna-gar hai nāz-o-ishva us kī chashm-e-shoḳh meñ

juuñ machāveñ pī ke mai badmast mai-ḳhāne meñ dhuum

yaad meñ apnī hai shāyad vo farāmush-kār bhī

dil kare hai mujh se us kī yaad dilvāne meñ dhuum

jis tarah bād-e-ḳhizāñ-dīda meñ aatī hai bahār

shahr meñ hotī hai us ke mere ghar aane meñ dhuum

naubat auroñ kī to ai saaqī subū-pardāz hai

kyā machā.ī hai hamāre ek paimāne meñ dhuum

juuñ bulandī se gire hai ḳhaak par koī za.iif

hai mirī us shoḳh kī nazroñ se gir jaane meñ dhuum

dekh to le ser ho kar tujh ko ye ḳhāna-ḳharāb

aate hī kyā hai tirī itnī bhī ghar jaane meñ dhuum

barhaman hone ko aatā hai nayā shaiḳh aaj kaun

ho rahī hai har taraf 'hasrat' sanam-ḳhāne meñ dhuum

har taraf hai us se mere dil ke lag jaane mein dhum

bulbul-o-gul mein hai chah-chah sham-o-parwane mein dhum

fitna-gar hai naz-o-ishwa us ki chashm-e-shoKH mein

jun machawen pi ke mai badmast mai-KHane mein dhum

yaad mein apni hai shayad wo faramush-kar bhi

dil kare hai mujh se us ki yaad dilwane mein dhum

jis tarah baad-e-KHizan-dida mein aati hai bahaar

shahr mein hoti hai us ke mere ghar aane mein dhum

naubat auron ki to ai saqi subu-pardaz hai

kya machai hai hamare ek paimane mein dhum

jun bulandi se gire hai KHak par koi zaif

hai meri us shoKH ki nazron se gir jaane mein dhum

dekh to le ser ho kar tujh ko ye KHana-KHarab

aate hi kya hai teri itni bhi ghar jaane mein dhum

barhaman hone ko aata hai naya shaiKH aaj kaun

ho rahi hai har taraf 'hasrat' sanam-KHane mein dhum