har tarah ka do-jahan mein saz hai saman hai

har tarah kā do-jahāñ meñ saaz hai sāmān hai

lafz-e-kun se irtiqā kā aur bhī imkān hai

zaat ke irfān se hāsil rumūz-e-kā.enāt

zaat se shā.ir ke hāsil husn kā vijdān hai

ik tamāshā māh-o-gul kā āsmāñ se tā-zamīñ

aadmī sad-rañg jalva dekh kar hairān hai

sharm se ruḳhsār-e-gul kuchh aur gulgūñ ho gayā

is asar par aa.ine kī aañkh bhī hairān hai

aap kī jamhūriyat meñ sab to haiñ shā.ir nahīñ

shā.erī har qaum kī tahzīb kī pahchān hai

husn ko denā 'payāmī' shā.erī kā pairahan

farsh se tā-arsh mauj-e-rang kā tūfān hai

har tarah ka do-jahan mein saz hai saman hai

lafz-e-kun se irtiqa ka aur bhi imkan hai

zat ke irfan se hasil rumuz-e-kaenat

zat se shair ke hasil husn ka wijdan hai

ek tamasha mah-o-gul ka aasman se ta-zamin

aadmi sad-rang jalwa dekh kar hairan hai

sharm se ruKHsar-e-gul kuchh aur gulgun ho gaya

is asar par aaine ki aankh bhi hairan hai

aap ki jamhuriyat mein sab to hain shair nahin

shaeri har qaum ki tahzib ki pahchan hai

husn ko dena 'payami' shaeri ka pairahan

farsh se ta-arsh mauj-e-rang ka tufan hai