har waqt mere samne ek jalwagari hai

har vaqt mire sāmne ik jalvagarī hai

maiñ dekh na pā.ūñ to mirī kam nazarī hai

maiñ aañkh jhapaktā huuñ to manzar nahīñ rahtā

ai husn-e-dil-āvez ajab muḳhtasrī hai

sochūñ to yahāñ kuchh bhī nahīñ dekhne qābil

dekhūñ to tirī duniyā baḌī rañg bharī hai

dukh dard yahāñ aa.eñ to vāpas nahīñ jaate

ye dil koī āseb-zada bāra-darī hai

maiñ dasht meñ aa kar bhī kahāñ chain se baiThā

yaañ par bhī vahī ishq vahī dar-ba-darī hai

pyāre mire alfāz ko to bār-e-digar dekh

ye sher nahīñ nauha-e-be-bāl-o-parī hai

ye faiz milā ishq meñ daryūza-garī se

sultānī mire naqsh-e-kaf-e-pā pe dharī hai

'tahsīn' mazāmīn-e-ġhazal aur nikālo

ye daur mohabbat kī musībat se barī hai

har waqt mere samne ek jalwagari hai

main dekh na paun to meri kam nazari hai

main aankh jhapakta hun to manzar nahin rahta

ai husn-e-dil-awez ajab muKHtasri hai

sochun to yahan kuchh bhi nahin dekhne qabil

dekhun to teri duniya baDi rang bhari hai

dukh dard yahan aaen to wapas nahin jate

ye dil koi aaseb-zada bara-dari hai

main dasht mein aa kar bhi kahan chain se baiTha

yan par bhi wahi ishq wahi dar-ba-dari hai

pyare mere alfaz ko to bar-e-digar dekh

ye sher nahin nauha-e-be-baal-o-pari hai

ye faiz mila ishq mein daryuza-gari se

sultani mere naqsh-e-kaf-e-pa pe dhari hai

'tahsin' mazamin-e-ghazal aur nikalo

ye daur mohabbat ki musibat se bari hai