har zarre ki numud mein elan-e-jang hai

har zarre kī numūd meñ e'lān-e-jang hai

duniyā nahīñ hai dost ye maidān-e-jang hai

is se shikast-o-fat.h kā andāza kījiye

hālat mire 'adū kī jo daurān-e-jang hai

sarhad pe āj-kal hai tanāo kī kaifiyat

donoñ taraf kī ḳhair ho imkān-e-jang hai

phailā huā hai surḳh ujālā chahār-sū

raushan lahū se sham'-e-shabistān-e-jang hai

buzdil koī na paidā huā is qabīl meñ

sabse baḌā to ham pe ye ehsān-e-jang hai

har saañs khīñchtā hai vo dushman ke ḳhauf meñ

mushkil bahut hai zindagī guzrān-e-jang hai

'āzar' mire 'adū ko ye tā'līm ho na ho

maiñ to vahī karūñgā jo shāyān-e-jang hai

har zarre ki numud mein e'lan-e-jang hai

duniya nahin hai dost ye maidan-e-jang hai

is se shikast-o-fath ka andaza kijiye

haalat mere 'adu ki jo dauran-e-jang hai

sarhad pe aaj-kal hai tanao ki kaifiyat

donon taraf ki KHair ho imkan-e-jang hai

phaila hua hai surKH ujala chahaar-su

raushan lahu se sham'-e-shabistan-e-jang hai

buzdil koi na paida hua is qabil mein

sabse baDa to hum pe ye ehsan-e-jang hai

har sans khinchta hai wo dushman ke KHauf mein

mushkil bahut hai zindagi guzran-e-jang hai

'azar' mere 'adu ko ye ta'lim ho na ho

main to wahi karunga jo shayan-e-jang hai