aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

haram mein muddaton DhunDa shiwalon mein phira barson

Lala Madhav Ram Jauhar

haram mein muddaton DhunDa shiwalon mein phira barson

Lala Madhav Ram Jauhar

MORE BYLala Madhav Ram Jauhar

    haram meñ muddatoñ DhūñDā shivāloñ meñ phirā barsoñ

    talāsh-e-yār meñ bhaTkā kiyā maiñ bār-hā barsoñ

    mahīnoñ haath joḌe ḳhushāmad bār-hā barsoñ

    inheñ jhagḌoñ meñ mujh ko ho ga.e ai bevafā barsoñ

    ma.āz-allāh is āzurdagī kyā Thikāna hai

    jo pūchhā yaar se kab tak na bologe kahā barsoñ

    ġhanīmat jaan jo din zindagī ke aish meñ guzreñ

    kisī bhī nahīñ rahtā zamāna ek barsoñ

    vahī ḳhūn-e-shahīd-e-nāz ab barbād hotā hai

    rahā ban kar jo tere haath meñ rañg-e-hinā barsoñ

    hamārī be-qarārī zarā tum ko na dhyān aayā

    mahīnoñ muntazir rakkhā dikhāyā rāstā barsoñ

    zamāne meñ hamesha har mahīne chāñd hotā hai

    tirā jalva nazar aatā nahīñ ai mah-laqā barsoñ

    vahīñ par le chalī be-tābi-e-dil vāh-rī qismat

    phirā sar paTaktī jis jagah merī duā barsoñ

    adā ho shukr kyūñ-kar be-kasī o nā-umīdī

    rahī haiñ saath furqat meñ yahī do āshnā barsoñ

    na aayā ek din bhī vo but-e-be-rahm ai 'jauhar'

    uThā kar haath ka.abe taraf māñgī duā barsoñ

    haram mein muddaton DhunDa shiwalon mein phira barson

    talash-e-yar mein bhaTka kiya main bar-ha barson

    mahinon hath joDe ki KHushamad bar-ha barson

    inhen jhagDon mein mujh ko ho gae ai bewafa barson

    maaz-allah is aazurdagi ka kya Thikana hai

    jo puchha yar se kab tak na bologe kaha barson

    ghanimat jaan jo din zindagi ke aish mein guzren

    kisi ka bhi nahin rahta zamana ek sa barson

    wahi KHun-e-shahid-e-naz ab barbaad hota hai

    raha ban kar jo tere hath mein rang-e-hina barson

    hamari be-qarari ka zara tum ko na dhyan aaya

    mahinon muntazir rakkha dikhaya rasta barson

    zamane mein hamesha har mahine chand hota hai

    tera jalwa nazar aata nahin ai mah-laqa barson

    wahin par le chali be-tabi-e-dil wah-ri qismat

    phira ki sar paTakti jis jagah meri dua barson

    ada ho shukr kyun-kar be-kasi o na-umidi ka

    rahi hain sath furqat mein yahi do aashna barson

    na aaya ek din bhi wo but-e-be-rahm ai 'jauhar'

    uTha kar hath kabe ki taraf mangi dua barson

    Source:

    Intekhab Kalam Lala M.R Jauhar (Pg. 31)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now