haram-sara-e-naz hai ki dar-e-gah-e-niyaz hai
haram-sara-e-naz hai ki dar-e-gah-e-niyaz hai
Pundit Amar Nath Hoshiyarpuri
MORE BYPundit Amar Nath Hoshiyarpuri
haram-sarā-e-nāz hai ki dar-e-gah-e-niyāz hai
nigāh-e-nīm-bāz bhī nigāh-e-nīm-bāz hai
idhar-udhar jahāñ-tahāñ majāz hī majāz hai
kahīñ kahīñ nasheb hai kahīñ kahīñ farāz hai
na tishnagī na ishtihā na hirs hai na aar hai
zabān-e-ġhaznavī pe ab ayaaz hī ayaaz hai
na mai-kade kī baat kar na but-kade kī baat kar
vahāñ bhī imtiyāz hai yahāñ bhī imtiyāz hai
bashar bashar ko dekh kar gulāb kī tarah khile
yahī mirī azaan hai yahī mirī namāz hai
vo ā.eñge nahīñ-nahīñ nahīñ-nahīñ vo ā.eñge
ye raaz raaz hī rahe dil-e-hazīñ ye raaz hai
kisī se dostī nahīñ kisī se dushmanī nahīñ
na ḳhaar se kashā-kashī na gul se sāz-bāz hai
haram-sara-e-naz hai ki dar-e-gah-e-niyaz hai
nigah-e-nim-baz bhi nigah-e-nim-baz hai
idhar-udhar jahan-tahan majaz hi majaz hai
kahin kahin nasheb hai kahin kahin faraaz hai
na tishnagi na ishtiha na hirs hai na aar hai
zaban-e-ghaznawi pe ab ayaz hi ayaz hai
na mai-kade ki baat kar na but-kade ki baat kar
wahan bhi imtiyaz hai yahan bhi imtiyaz hai
bashar bashar ko dekh kar gulab ki tarah khile
yahi meri azan hai yahi meri namaz hai
wo aaenge nahin-nahin nahin-nahin wo aaenge
ye raaz raaz hi rahe dil-e-hazin ye raaz hai
kisi se dosti nahin kisi se dushmani nahin
na KHar se kasha-kashi na gul se saz-baz hai
Source:
SAAZ-O-NAVA (Pg. 164)
-
- Publisher: Raghu Nath suhai ummid
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
