harf-e-shīr-o-shakar se nā-vāqif
be-asar bā-asar se nā-vāqif
maiñ mazāfāt meñ palī laḌkī
shahr vāloñ ke shar se nā-vāqif
ik mujhe ḳhauf hai use khonā
aur vo mere Dar se nā-vāqif
kaisā shab-bāsh hai mirā mahram
shab se vāqif sahar se nā-vāqif
dekh zinda huuñ maiñ faqīrī meñ
zan zamīñ aur zar se nā-vāqif
jis pe chāhat ke phuul khilte haiñ
log haiñ us shajar se nā-vāqif
harf-e-shir-o-shakar se na-waqif
be-asar ba-asar se na-waqif
main mazafat mein pali laDki
shahr walon ke shar se na-waqif
ek mujhe KHauf hai use khona
aur wo mere Dar se na-waqif
kaisa shab-bash hai mera mahram
shab se waqif sahar se na-waqif
dekh zinda hun main faqiri mein
zan zamin aur zar se na-waqif
jis pe chahat ke phul khilte hain
log hain us shajar se na-waqif
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
