harfon ka dil kanp raha hai lafzon ki diwar ke pichhe
harfoñ kā dil kaañp rahā hai lafzoñ kī dīvār ke pīchhe
kis qātil kā naam likhā hai lafzoñ kī dīvār ke pīchhe
ḳhuun se jaltā ek diyā hai lafzoñ kī dīvār ke pīchhe
aaj bhī kitnī garm havā hai lafzoñ kī dīvār ke pīchhe
karvaT le kar ek qayāmat jāgne vaalī hai ab shāyad
kahne ko ik sannāTā hai lafzoñ kī dīvār ke pīchhe
sahmā sahmā khoyā khoyā kab se baiThā sochā rahā huuñ
kis ne mujh ko qaid kiyā hai lafzoñ kī dīvār ke pīchhe
sab jaane pahchāne chehre maiñ bhī tū bhī ye bhī vo bhī
lāshoñ kā ik shahr basā hai lafzoñ kī dīvār ke pīchhe
lafzoñ kī dīvār ke aage aks ubhar aayā hai kis kā
ḳhanjar le kar kaun khaḌā hai lafzoñ kī dīvār ke pīchhe
rūh-e-ġhazal par tanhā.ī meñ jaane kitne vaar hue haiñ
misra.a misra.a tharrātā hai lafzoñ kī dīvār ke pīchhe
harfon ka dil kanp raha hai lafzon ki diwar ke pichhe
kis qatil ka nam likha hai lafzon ki diwar ke pichhe
KHun se jalta ek diya hai lafzon ki diwar ke pichhe
aaj bhi kitni garm hawa hai lafzon ki diwar ke pichhe
karwaT le kar ek qayamat jagne wali hai ab shayad
kahne ko ek sannaTa hai lafzon ki diwar ke pichhe
sahma sahma khoya khoya kab se baiTha socha raha hun
kis ne mujh ko qaid kiya hai lafzon ki diwar ke pichhe
sab jaane pahchane chehre main bhi tu bhi ye bhi wo bhi
lashon ka ek shahr basa hai lafzon ki diwar ke pichhe
lafzon ki diwar ke aage aks ubhar aaya hai kis ka
KHanjar le kar kaun khaDa hai lafzon ki diwar ke pichhe
ruh-e-ghazal par tanhai mein jaane kitne war hue hain
misra misra tharraata hai lafzon ki diwar ke pichhe
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
