hargiz na rah pai farda-o-di ne dil par

hargiz na raah paa.ī fardā-o-dī ne dil par

rahtī hai ek hālat bārah mahīne dil par

sakte meñ haiñ mah-o-mehr dariyā paḌe haiñ be-bahr

hai saḳht ġhair-mauzūñ duniyā zamīn-e-dil par

sho.ala charāġh meñ hai saudā dimāġh meñ hai

sābit qadam huuñ ab tak dīn-e-mubīn-e-dil par

yā-ayyohal-majāzīb hai bas-ki zer-e-tartīb

majmūatul-fatāvā qaul-e-matīn-e-dil par

likh lo ye merī raa.e kyā kyā sitam na Dhaa.e

kal dil ne aadmī par aaj aadmī ne dil par

ye rañj nā-kashīda ye jeb nā-darīda

ai ishq rahm haañ rahm in tārkīn-e-dil par

maano ye ghar na chhoḌo duniyā ko dekhte ho

jo kuchh guzar chukī hai is nā-makīn-e-dil par

ik sar hai nā-kashūda ik qaul nā-shanūda

ik naġhma nā-sarūda tarz-e-navīn-e-dil par

paḌtā hai jasta jasta maddham sā aur shikasta

ik māh-e-nīlmīñ kā partav nagīn-e-dil par

sau baar idhar se guzrā vo ātishīñ chaman sā

ik barg-e-gul na rakkhā dast-e-yamīn-e-dil par

ḳhūñ-basta chashm-e-hairāñ paivasta la.an-gardāñ

be-dīd balki be-dard balki kamīne dil par

tūfān uThā rakhā thā āñkhoñ ne vāh-vā kā

us kī nazar nahīñ thī kal āfrīn-e-dil par

rañgīn to bahut hai duniyā magar mahāshay

dhabbe se paḌ ga.e haiñ kuchh āstīn-e-dil par

vo māh-e-nāznīñ hai yā sarv-ātishīñ hai

yā fitna-e-qayāmat barpā zamīn-e-dil par

sab nā-malāmatoñ ko sab be-karāmatoñ ko

sab sar-salāmatoñ ko laanā hai dīn-e-dil par

'jāved' ko dikhā kar kahtā hai sab se dilbar

ūdham machā rakhā thā in bhā.ī-jī ne dil par

fārūqī aur ahmad-mushtāq ko tahayyat

shāḳh-e-ġhamgīn-e-dil par hisn-e-hasīn-e-dil par

hargiz na rah pai farda-o-di ne dil par

rahti hai ek haalat barah mahine dil par

sakte mein hain mah-o-mehr dariya paDe hain be-bahr

hai saKHt ghair-mauzun duniya zamin-e-dil par

shoala charagh mein hai sauda dimagh mein hai

sabit qadam hun ab tak din-e-mubin-e-dil par

ya-ayyohal-majazib hai bas-ki zer-e-tartib

majmuatul-fatawa qaul-e-matin-e-dil par

likh lo ye meri rae kya kya sitam na Dhae

kal dil ne aadmi par aaj aadmi ne dil par

ye ranj na-kashida ye jeb na-darida

ai ishq rahm han rahm in tarkin-e-dil par

mano ye ghar na chhoDo duniya ko dekhte ho

jo kuchh guzar chuki hai is na-makin-e-dil par

ek sar hai na-kashuda ek qaul na-shanuda

ek naghma na-saruda tarz-e-nawin-e-dil par

paDta hai jasta jasta maddham sa aur shikasta

ek mah-e-nilmin ka partaw nagin-e-dil par

sau bar idhar se guzra wo aatishin chaman sa

ek barg-e-gul na rakkha dast-e-yamin-e-dil par

KHun-basta chashm-e-hairan paiwasta lan-gardan

be-did balki be-dard balki kamine dil par

tufan uTha rakha tha aankhon ne wah-wa ka

us ki nazar nahin thi kal aafrin-e-dil par

rangin to bahut hai duniya magar mahashay

dhabbe se paD gae hain kuchh aastin-e-dil par

wo mah-e-naznin hai ya sarw-atishin hai

ya fitna-e-qayamat barpa zamin-e-dil par

sab na-malamaton ko sab be-karamaton ko

sab sar-salamaton ko lana hai din-e-dil par

'jawed' ko dikha kar kahta hai sab se dilbar

udham macha rakha tha in bhai-ji ne dil par

faruqi aur ahmad-mushtaq ko tahayyat

shaKH-e-ghamgin-e-dil par hisn-e-hasin-e-dil par