harif-e-sang hun miTTi se pyar karta hun

harīf-e-sang huuñ miTTī se pyaar kartā huuñ

lahū se apne gulāboñ meñ rang bhartā huuñ

qadam qadam pe tirā intizār kartā huuñ

maiñ zindagī ke tajassus meñ roz martā huuñ

badan ke zaḳhm sadāqat pe merī hañste haiñ

jab aa.ine ke taḳhātub se maiñ guzartā huuñ

mire vajūd se qaa.em hai kā.enāt magar

miTā ke ḳhud ko tujhe bā-vaqār kartā huuñ

na zauq-e-sahrā-navardī na azm-e-ham-safarī

ajiib log haiñ jis shahr se guzartā huuñ

fasād-e-shahr ne parda uThā diyā 'nashtar'

maiñ rahzanoñ se kahāñ rahbaroñ se Dartā huuñ

harif-e-sang hun miTTi se pyar karta hun

lahu se apne gulabon mein rang bharta hun

qadam qadam pe tera intizar karta hun

main zindagi ke tajassus mein roz marta hun

badan ke zaKHm sadaqat pe meri hanste hain

jab aaine ke taKHatub se main guzarta hun

mere wajud se qaem hai kaenat magar

miTa ke KHud ko tujhe ba-waqar karta hun

na zauq-e-sahra-nawardi na azm-e-ham-safari

ajib log hain jis shahr se guzarta hun

fasad-e-shahr ne parda uTha diya 'nashtar'

main rahzanon se kahan rahbaron se Darta hun