harim-e-dil se rah-e-chashm-e-tar se guzre hain

Maikash Badayuni

harim-e-dil se rah-e-chashm-e-tar se guzre hain

Maikash Badayuni

MORE BYMaikash Badayuni

    harīm-e-dil se rah-e-chashm-e-tar se guzre haiñ

    hazār baar vo is rahguzar se guzre haiñ

    vo jin ko dekh ke lutf-e-hayāt miltā hai

    kuchh aise dushman-e-jāñ bhī nazar se guzre haiñ

    ye itr-bār fazā.eñ ye pur-ziyā jaade

    batā rahe haiñ abhī vo idhar se guzre haiñ

    jo zindagī ko ḳhud apne se bad-gumāñ kar deñ

    vo hādse bhī hamārī nazar se guzre haiñ

    jo terī yaad daulat se be-nasīb rahe

    vo lamhe ziist ke nā-mo'tabar se guzre haiñ

    jamāl-e-dost bhī mushtāq-e-yak-nazar hai jahāñ

    ham us bulandī-e-zauq-e-nazar se guzre haiñ

    tumheñ to hogī ḳhabar sākinān-e-dair-o-haram

    sunā hai hazrat-e-'maikash' idhar se guzre haiñ

    harim-e-dil se rah-e-chashm-e-tar se guzre hain

    hazar bar wo is rahguzar se guzre hain

    wo jin ko dekh ke lutf-e-hayat milta hai

    kuchh aise dushman-e-jaan bhi nazar se guzre hain

    ye itr-bar fazaen ye pur-ziya jade

    bata rahe hain abhi wo idhar se guzre hain

    jo zindagi ko KHud apne se bad-guman kar den

    wo hadse bhi hamari nazar se guzre hain

    jo teri yaad ki daulat se be-nasib rahe

    wo lamhe zist ke na-mo'tabar se guzre hain

    jamal-e-dost bhi mushtaq-e-yak-nazar hai jahan

    hum us bulandi-e-zauq-e-nazar se guzre hain

    tumhein to hogi KHabar sakinan-e-dair-o-haram

    suna hai hazrat-e-'maikash' idhar se guzre hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY