harza-sarai bain-e-suKHan aur baDh gai

harza-sarā.ī bain-e-suḳhan aur baḌh ga.ī

sastā huā to qīmat-e-fan aur baḌh ga.ī

jaanā ki dost hī thā masīhā ke ruup meñ

dil par rakhā jo haath jalan aur baḌh ga.ī

jaane kahāñ se aa.ī thī kal raat ko havā

khiḌkī khulī to ghar meñ ghuTan aur baḌh ga.ī

pahle hī hāth-pāoñ hasīñ kam na the magar

rañg-e-hinā se un kī phaban aur baḌh ga.ī

yaum-e-jazā meñ fitna-e-mahshar kī ḳhair ho

pahle hī jo thī sarv-badan aur baḌh ga.ī

sahrā ko dekhne kā to bachpan se shauq thā

dil ko lagā liyā to lagan aur baḌh ga.ī

vo to mire manāne se 'aḳhtar' bigaḌ ga.e

māthe pe ek gahrī shikan aur baḌh ga.ī

harza-sarai bain-e-suKHan aur baDh gai

sasta hua to qimat-e-fan aur baDh gai

jaana ki dost hi tha masiha ke rup mein

dil par rakha jo hath jalan aur baDh gai

jaane kahan se aai thi kal raat ko hawa

khiDki khuli to ghar mein ghuTan aur baDh gai

pahle hi hath-paon hasin kam na the magar

rang-e-hina se un ki phaban aur baDh gai

yaum-e-jaza mein fitna-e-mahshar ki KHair ho

pahle hi jo thi sarw-badan aur baDh gai

sahra ko dekhne ka to bachpan se shauq tha

dil ko laga liya to lagan aur baDh gai

wo to mere manane se 'aKHtar' bigaD gae

mathe pe ek gahri shikan aur baDh gai