hasb-e-wada mujhse milne wo kabhi aaya nahin

hasb-e-va.ada mujh se milne vo kabhī aayā nahīñ

is se baḌh kar aur kuchh bhī hausla-farsā nahīñ

hijr thā is kā bahut sabr-āzmā mere liye

ġham se patthar ho gayā lekin kabhī royā nahīñ

da.avat-e-nazzāra de kar aisā vo ġhā.eb huā

merī āñkhoñ ne dobāra phir use dekhā nahīñ

kāTne ko dauḌte haiñ mujh ko ye dīvār-o-dar

jaise maiñ tanhā huuñ vaise koī bhī tanhā nahīñ

murta.ish rahtā hai ab har dam mirā tār-e-vajūd

kyā guzartī hai mire dil par kabhī kahtā nahīñ

kar rahā huuñ apnī ye tarhī ġhazal nazr-e-'munīr'

aisā shā.ir aaj tak maiñ ne kabhī dekhā nahīñ

kar ke is ke va.ada-e-fardā pe 'barqī' e'tibār

maiñ ka.ī din tak musalsal rāt-bhar soyā nahīñ

hasb-e-wada mujh se milne wo kabhi aaya nahin

is se baDh kar aur kuchh bhi hausla-farsa nahin

hijr tha is ka bahut sabr-azma mere liye

gham se patthar ho gaya lekin kabhi roya nahin

dawat-e-nazzara de kar aisa wo ghaeb hua

meri aankhon ne dobara phir use dekha nahin

kaTne ko dauDte hain mujh ko ye diwar-o-dar

jaise main tanha hun waise koi bhi tanha nahin

murtaish rahta hai ab har dam mera tar-e-wajud

kya guzarti hai mere dil par kabhi kahta nahin

kar raha hun apni ye tarhi ghazal nazr-e-'munir'

aisa shair aaj tak main ne kabhi dekha nahin

kar ke is ke wada-e-farda pe 'barqi' e'tibar

main kai din tak musalsal raat-bhar soya nahin