hashr mera ba-KHair ho mujhko bana rahe ho tum

hashr mirā ba-ḳhair ho mujh ko banā rahe ho tum

ḳhaak meñ jaan Daal kar ḳhaak uḌā rahe ho tum

ibrat-e-zauq-e-zahr ḳhanda-e-zauq-e-zabūnī-e-do-chand

shauq baḌhā ke pai-ba-pai sham.eñ bujhā rahe ho tum

mere adam meñ bhī baham thā sitam-e-azal kā ġham

pahle hī maiñ nazār thā aur satā rahe ho tum

soz to soz hai magar saaz bhī soz ho na jaa.e

saaz ko aaj soz ke sāmne lā rahe ho tum

darḳhur-e-sajda hai abhī aur abhī nañg-e-zindagī

ishq-e-vafā-sarisht ko ḳhuub rulā rahe ho tum

tohmat-e-hast bhī ravā hāsil-e-nīst bhī bajā

haañ mirī sarnavisht ke daaġh miTā rahe ho tum

ḳhanda-e-zer-e-lab bhī hai giryā-e-be-sabab bhī hai

be-hamā-o-bahar-e-adā rañg jamā rahe ho tum

hashr mera ba-KHair ho mujh ko bana rahe ho tum

KHak mein jaan Dal kar KHak uDa rahe ho tum

ibrat-e-zauq-e-zahr KHanda-e-zauq-e-zabuni-e-do-chand

shauq baDha ke pai-ba-pai shamen bujha rahe ho tum

mere adam mein bhi baham tha sitam-e-azal ka gham

pahle hi main nazar tha aur sata rahe ho tum

soz to soz hai magar saz bhi soz ho na jae

saz ko aaj soz ke samne la rahe ho tum

darKHur-e-sajda hai abhi aur abhi nang-e-zindagi

ishq-e-wafa-sarisht ko KHub rula rahe ho tum

tohmat-e-hast bhi rawa hasil-e-nist bhi baja

han meri sarnawisht ke dagh miTa rahe ho tum

KHanda-e-zer-e-lab bhi hai girya-e-be-sabab bhi hai

be-hama-o-bahar-e-ada rang jama rahe ho tum