hasin hain kis qadar manzar mein KHud ko bhul jata hun

hasīñ haiñ kis qadar manzar meñ ḳhud ko bhuul jaatā huuñ

tumhāre shahr meñ aa kar maiñ ḳhud ko bhuul jaatā huuñ

nahīñ rahtā zarā bhī hosh mujh ko aane jaane kā

tumhāre paas meñ aa kar maiñ ḳhud ko bhuul jaatā huuñ

maiñ kyā huuñ kaun huuñ rahtī nahīñ kuchh bhī ḳhabar mujh ko

tumhārī yaad meñ aksar maiñ ḳhud ko bhuul jaatā huuñ

mirā sonā bhī kyā hai jāgnā kyā intizār-e-shab

paḌā rahtā hai ye bistar meñ ḳhud ko bhuul jaatā huuñ

ye merā jism merī ruuh us ko sauñp dī maiñ ne

koī to hai mire andar maiñ ḳhud ko bhuul jaatā huuñ

ajab sī ḳhud farāmoshī hai mujh par rāt-din taarī

mire ai dost paḌh mantar maiñ ḳhud ko bhuul jaatā huuñ

na maiñ dīvāna farzāna na maiñ parvāna ai 'arpit'

ta.ajjub hai mujhe kyūñkar maiñ ḳhud ko bhuul jaatā huuñ

hasin hain kis qadar manzar mein KHud ko bhul jata hun

tumhaare shahr mein aa kar main KHud ko bhul jata hun

nahin rahta zara bhi hosh mujh ko aane jaane ka

tumhaare pas mein aa kar main KHud ko bhul jata hun

main kya hun kaun hun rahti nahin kuchh bhi KHabar mujh ko

tumhaari yaad mein aksar main KHud ko bhul jata hun

mera sona bhi kya hai jagna kya intizar-e-shab

paDa rahta hai ye bistar mein KHud ko bhul jata hun

ye mera jism meri ruh us ko saunp di main ne

koi to hai mere andar main KHud ko bhul jata hun

ajab si KHud faramoshi hai mujh par raat-din tari

mere ai dost paDh mantar main KHud ko bhul jata hun

na main diwana farzana na main parwana ai 'arpit'

tajjub hai mujhe kyunkar main KHud ko bhul jata hun