hasin jhilmilate hue zar ki surat

hasīñ jhilmilāte hue zar kī sūrat

vo hai vahshatoñ meñ gul-e-tar kī sūrat

usī kī galī hai dar-o-bām us ke

bhulā dī mujhe hī mire ghar kī sūrat

junūñ ḳhāk-o-ḳhūñ aur pareshān gesū

na pūchho hai kaisī mire sar kī sūrat

maiñ thā apnī parvāz par ḳhuub nāzāñ

shikārī ne kar dī hai kyā par kī sūrat

ho jā.egī har shāḳh-e-gul tinkā tinkā

'valīd' ab ye kahtī hai sarsar kī sūrat

hasin jhilmilate hue zar ki surat

wo hai wahshaton mein gul-e-tar ki surat

usi ki gali hai dar-o-baam us ke

bhula di mujhe hi mere ghar ki surat

junun KHak-o-KHun aur pareshan gesu

na puchho hai kaisi mere sar ki surat

main tha apni parwaz par KHub nazan

shikari ne kar di hai kya par ki surat

ho jaegi har shaKH-e-gul tinka tinka

'walid' ab ye kahti hai sarsar ki surat