hasin yaadon se KHalwat anjuman hai

Sikandar Ali Wajd

hasin yaadon se KHalwat anjuman hai

Sikandar Ali Wajd

MORE BYSikandar Ali Wajd

    hasīñ yādoñ se ḳhalvat anjuman hai

    ḳhamoshī naġhma-zār-e-sad-suḳhan hai

    nigār-e-gul-badan gul-pairahan hai

    dhanak raqsāñ chaman-andar-chaman hai

    mirī dīvāngī par hañsne vaalo

    yahāñ farzāngī dīvāna-pan hai

    mubārak rah-rav-e-rāh-e-tamannā

    vatan ġhurbat meñ hai ġhurbat vatan hai

    Darā sakte nahīñ ḳhūnīñ añdhere

    nigāh-e-be-dilāñ zulmat-shikan hai

    ḳhushī arzāñ hai bāzār-e-jahāñ meñ

    bahā-e-ġham matā-e-jān-o-tan hai

    azal se 'vajd' har qatre ke dil meñ

    qayāmat-ḳhez tūfāñ maujzan hai

    hasin yaadon se KHalwat anjuman hai

    KHamoshi naghma-zar-e-sad-suKHan hai

    nigar-e-gul-badan gul-pairahan hai

    dhanak raqsan chaman-andar-chaman hai

    meri diwangi par hansne walo

    yahan farzangi diwana-pan hai

    mubarak rah-raw-e-rah-e-tamanna

    watan ghurbat mein hai ghurbat watan hai

    Dara sakte nahin KHunin andhere

    nigah-e-be-dilan zulmat-shikan hai

    KHushi arzan hai bazar-e-jahan mein

    baha-e-gham mata-e-jaan-o-tan hai

    azal se 'wajd' har qatre ke dil mein

    qayamat-KHez tufan maujzan hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY