hasrat-gah-e-zillat mein utarne se raha main

hasrat-gah-e-zillat meñ utarne se rahā maiñ

ye kār-e-havas hai to ye karne se rahā maiñ

ai vahshat-e-sahrā mire qadmoñ se lipaT jā

ab is se ziyāda to bikharne se rahā maiñ

mujh se na ulajh girya-e-girdāb-e-tah-e-āb

is baar jo Duubā to ubharne se rahā maiñ

ik chādar-e-mahtāb hai ik ḳhvāb hai tum ho

is 'ālam-e-ḳhūbī meñ sañvarne se rahā maiñ

hasrat-gah-e-zillat mein utarne se raha main

ye kar-e-hawas hai to ye karne se raha main

ai wahshat-e-sahra mere qadmon se lipaT ja

ab is se ziyaada to bikharne se raha main

mujh se na ulajh girya-e-girdab-e-tah-e-ab

is bar jo Duba to ubharne se raha main

ek chadar-e-mahtab hai ek KHwab hai tum ho

is 'alam-e-KHubi mein sanwarne se raha main